ឃាត់ខ្លួនជនសង្ស័យចំនួន០៤នាក់ ពី...

បង្ក្រាបល្បែងហ្គេមបាញ់ត្រីនៅបឹងសាឡាង ឃាត់ខ្លួនជនសង្ស័យចំនួន០៤នាក់

ភ្នំពេញ៖ គណះបញ្ជាការឯកភាពខណ្ឌទួលគោកបានចុះបង្ក្រាបករណីលេងល្បែងសុីសងខុសច្បាប់មួយកន្លែង ដោយឃាត់ខ្លូនជនសង្ស័យចំនួន០៤នាក់ បញ្ជូនមកអធិការដ្ឋាននគរបាលខណ្ឌទួលគោកដើម្បីចាត់ការបន្ត។
ប្រតិបត្តិការនេះបានធ្វើឡើងកាលពី ថ្ងៃទី៣០ ខែកក្កដា ឆ្នាំ២០១៧ វេលាម៉ោង ១៥និង០០នាទីនៅចំណុចផ្ទះលេខ ១៧៦ ផ្លូវ២៧១ ក្រុមទី៧ ភូមិ៣ សង្កាត់ បឹងសាឡាង ខណ្ឌទួលគោក រាជធានីភ្នំពេញ ។
ក្នុងការបង្ក្រាវនេះកម្លាំងសមត្ថកិច្ចបានឃាត់ខ្លួនជនសង្ស័យចំនួន០៤នាក់ជាអ្នកមកលេងភ្នាល់ ក្នុងនោះរួមមាន ១-ឈ្មោះ ដេង តារាវុទ្ធ ហៅ វុទ្ធ ភេទប្រុស អាយុ២៦ឆ្នាំ ជនជាតិខ្មែរ មុខរបរ ពុំពិតប្រាកដ ស្នាក់នៅផ្ទះលេខ ៣៥B ផ្លូវ២២៨ សង្កាត់បឹងសាឡាង ខណ្ឌទួលគោក រាជធានីភ្នំពេញ ។
២-ឈ្មោះ ហែម លាងឆុង ហៅ ឆុង ភេទប្រុស អាយុ២៨ឆ្នាំ ជនជាតិខ្មែរ មុខរបរ ជាងផ្សារដែក ស្នាក់នៅផ្ទះលេខ ១២ ផ្លូវ២២៨ សង្កាត់បឹងសាឡាង ខណ្ឌទួលគោក រាជធានីភ្នំពេញ ។
៣-ឈ្មោះ សួន គីមស្រ៊ុន ហៅ ស្រ៊ុន ភេទប្រុស អាយុ២៥ឆ្នាំ ជនជាតិខ្មែរ មុខរបរ កម្មកររោងចក្រកាត់ដេរ ស្នាក់នៅផ្ទះជួល លេខ ២៣៤ ផ្លូវ៣៣៦ សង្កាត់ផ្សារដើមគរ ខណ្ឌទួលគោក រាជធានីភ្នំពេញ ។
៤-ឈ្មោះ ងួន ចាន់បញ្ញា ហៅ បញ្ញា ភេទប្រុស អាយុ៣៤ឆ្នាំ ជនជាតិខ្មែរ មុខរបរ ពុំពិតប្រាកដ ស្នាក់នៅផ្ទះលេខ ៣៣២ ផ្លូវ៣៣៦ សង្កាត់បឹងសាឡាង ខណ្ឌទួលគោក រាជធានីភ្នំពេញ ។
ចំណែកវត្ថុតាងចាប់យក ក្នុងការបង្ក្រាបរួមមាន ៖
១-ទូរហ្គេមបាញ់ត្រីចំនួន០២ទូរ , តុឈើចំនួន០១ , កង្ហាបញ្ឈរចំនួន០២ , កៅអីចំនួន០៧ ។
បច្ចុប្បន្នវត្ថុតាងប៉ូលីសបានបញ្ជូនទៅរក្សារទុកជាបណ្ដោះអាសន្ននៅសាលាខណ្ឌទួលគោក។ ចំណេកផ្ទះដែលជាទីតាំងប្រព្រឹត្តបទល្មើសបានបិទឃ្លុំបេជាបណ្ដោះអាសន្ន រីឯជនសង្ស័យចំនួន០៤នាក់ជាអ្នកមកលេងភ្នាល់ កំពុងឃាត់ខ្លួនជាបណ្ដោះអាសន្ននៅអធិការដ្ឋាននគរបាលខណ្ឌទួលគោក ដើម្បីធ្វើការសាកសួរ កសាងសំណុំរឿងបញ្ជូនទៅសាលាដំបូង រាជធានីភ្នំពេញ ចាត់ការតាមផ្លូវច្បាប់ ៕